Saga

jeppafer_me_msakureyri_2007_016_640 

Stöng í Mývatnssveit.
 
Fyrst er vitað um fasta búsetu á Stöng 1857 og hefur sama
ættin átt jörðina og búið hér síðan 1870. Jörðin sem er um13 km frá Mývatni er 1100 ha og liggur í 320 m hæð yfir sjávarmáli, en þrátt fyrir það er landið allt vel gróið og hentar vel til hefðbundins landbúnaðar. Ferðaþjónusta hófst hér 1982 í kjölfar þess að kvótakerfi var sett á alla landbúnaðarframleiðslu. Árið 1998 var borað hér eftir heitu vatni og fengust 3 L/s af 60° heitu vatni og eru nú öll hús á staðnum hituð upp með því, svo og heitir pottar.

 

 

Héðan er stutt í allar helstu náttúruperlur Þingeyjarsýslna, t.d. Mývatn, Kröflu, Dettifoss, Ásbyrgi, Jökulsárgljúfur, Öskju, Herðubreiðalindir og Kverkfjöll. Laxá, sem er fræg fyrir urriðaveiði, er í næsta nágrenni.

Frá Sandfelli (ca. 30 mín gangur) er mjög víðsýnt. Í góðu skyggni má sjá Bárðarbungu og jafnvel Hofsjökul.

Stutt er í alla þjónustu, t.d. banka, verslun, sundlaugar og jarðböðin.

Öllum er frjálst að skoða býlið og fræðast um lífið á íslenskum bóndabæ.

Við bjóðum gesti okkar velkomna og hvetjum þá til að heimsækja þessa náttúruperlu sem sveitin er, en hvetjum þá jafnframt til að ganga vel um og spilla ekki viðkvæmu lífríki hennar.

 

Framsetning efnis

moya - Útgáfa 1.11 2007 - Stefna ehf

Innskráning