Gæsa- og andaveiði fer fram á einkalöndum og á mörgum af bestu jörðum í Þingeyjarsýslu og Eyjafirði. Um er að ræða fjölbreytt veiðisvæði og í boði bæði morgun- og kvöldveiði, allt eftir óskum veiðimanna. Leiðsögumaður fylgir veiðimönnum allan veiðitúrinn og sér um að velja veiðisvæði og stjórnar uppstillingu tálfugla. Veiðibíll og kerra fyrir búnað og veiði fylgir veiðimönnum. Boðið er upp á góða aðstöðu til að gera að afla að veiði lokinni og þar er hægt að "vacum"pakka og frysta bráðina.
